ఉత్తమ జీవన విధాన గ్రంథం భగవద్గీత – గంగాధర శాస్త్రి

అనకాపల్లి, మార్చి 30, 2026: భగవద్గీత ఫౌండేషన్ వ్యవస్థాపక అధ్యక్షుడు, ప్రముఖ గీతా గాన ప్రవచన ప్రచారకర్త డాక్టర్ ఎల్.వి గంగాధర శాస్త్రి గత ఆదివారం అనకాపల్లి ఎన్టీఆర్ క్రీడా మైదానంలో జరిగిన గీత చాలీసా పారాయణం,గీత గాన ప్రవచన కార్యక్రమంలో భగవద్గీతను జగత్‌ప్రసారం చేసే ఉత్తమ జీవన విధాన గ్రంథంగా నిర్వచించారు.
భగవద్గీత మత గ్రంథం కాదని, జ్ఞాన గ్రంథం,వ్యక్తిత్వ వికాస గ్రంథం, ఉత్తమ జీవన విధాన గ్రంథం అని డాక్టర్ గంగాధర శాస్త్రి పేర్కొన్నారు.శ్రీకృష్ణుడు మానవ రూపంలో బోధించిన కారణంగా “భగవద్గీత”గా ప్రసిద్ధి చెందిందని, ఇది అనేక సందేహాలను నివృత్తి చేసే శక్తి కలిగిన గ్రంథమని వివరించారు.ప్రతి ఒక్కరూ గీతను చదవాలని ఆహ్వానం
భగవద్గీత పఠనం ద్వారా మనస్సుకు ప్రశాంతత, జీవితంలో స్పష్టత లభిస్తుందని శాస్త్రి అభిప్రాయపడ్డారు.చిన్నతనం నుంచే తల్లిదండ్రులు బిడ్డలకు గీతపై అవగాహన కలిగించాలని, గీత చదివే పిల్లలు సన్మార్గంలో జీవిస్తారని ఆయన సూచించారు.అనకాపల్లిలో రాష్ట్ర పండుగగా గుర్తింపు పొందిన శ్రీ నూకాంబిక అమ్మవారి ‘కొత్త అమావాస్య’ జాతర మహోత్సవాల్లో భాగంగా ఈ కార్యక్రమం నిర్వహించారు.యస్ డి గ్రూప్స్ అధినేత,ఆధ్యాత్మికవేత్త కాండ్రేగుల శ్రీరామ్ ఆధ్వర్యంలో నిర్వహించిన ఈ కార్యక్రమానికి స్థానిక ఎమ్మెల్యే కొణతాల రామకృష్ణ ముఖ్య అతిథిగా జ్యోతి ప్రజ్వలన చేసి శ్రీకారం చుట్టారు.ఘన సత్కారం, సేవలకు ఘన స్వాగతం
కార్యక్రమం ప్రారంభంలో కాండ్రేగుల శ్రీరామ్ నాయకత్వంలో ఎమ్మెల్యే కొణతాల,డాక్టర్ గంగాధర శాస్త్రికి భారీ గజమాల సత్కారంతో పాటు నూకాంబిక అమ్మవారి చిత్రపటాన్ని సమర్పించారు.గంగాధర శాస్త్రి అనకాపల్లిలో భగవద్గీత ప్రచారానికి చేస్తున్న కాండ్రేగుల శ్రీరామ్ సేవలను కొనియాడి, ఈ ఉత్తమ కార్యక్రమానికి ప్రోత్సాహం అందించిన ఎమ్మెల్యే కొణతాలకు ప్రత్యేక కృతజ్ఞతలు తెలిపారు.ఉగాది పురస్కారాలు,విశాల భక్త సందోహం ఈ క్రమంలో వివిధ రంగాల్లో ప్రతిభ కనబర్చిన వారికి ఎమ్మెల్యే కొణతాల ఉగాది పురస్కారాలు అందజేశారు. గీతా చాలీసా పారాయణం, గీత గాన ప్రవచనం భక్తులను ఆకట్టుకుని, వారిలో చైతన్యం,స్ఫూర్తిని కలిగించడంతో పెద్ద సంఖ్యలో భక్తులు ఈ కార్యక్రమంలో పాల్గొన్నారు.