మట్టి గణపతులకే అనుమతులు ఇవ్వాలి...రసాయన రంగులతో తయారు చేసే విగ్రహాలపై కఠిన చర్యలు తీసుకోవాలి.

బిబి న్యూస్ స్పెషల్ స్టోరీ: వినాయక చవితి సందర్భంగా పర్యావరణ పరిరక్షణకు ప్రభుత్వం మరింత కఠిన చర్యలు చేపట్టాలని ప్రజలు కోరుతున్నారు. ముఖ్యంగా మట్టి గణపతి విగ్రహాలను మాత్రమే ప్రోత్సహిస్తూ, రసాయనాలు, హానికర రంగులతో తయారు చేసే విగ్రహాలకు అనుమతులు ఇవ్వకూడదని డిమాండ్ చేస్తున్నారు.రసాయనాలతో కూడిన రంగులు, ప్లాస్టర్‌ ఆఫ్‌ పారిస్‌ తదితర పదార్థాలతో తయారు చేసిన విగ్రహాలను చెరువులు, కాలువలు, నదుల్లో నిమజ్జనం చేయడం వల్ల నీటి కాలుష్యం పెరగడంతో పాటు జలచరాలకు తీవ్ర నష్టం కలుగుతోందని ప్రజలు ఆందోళన వ్యక్తం చేస్తున్నారు. నిమజ్జనం అనంతరం ఆ నీటిని వ్యవసాయానికి వినియోగించే ప్రాంతాల్లో పంటలపై కూడా ప్రతికూల ప్రభావం పడే అవకాశం ఉందని పేర్కొంటున్నారు.ఈ నేపథ్యంలో ప్రభుత్వం ముందస్తు చర్యలు చేపట్టి, మట్టి గణపతి విగ్రహాల తయారీ, విక్రయాలకు ప్రోత్సాహం కల్పించాలని కోరుతున్నారు. మట్టి విగ్రహం లేకుండా హానికర రసాయనాలు, నిషేధిత పదార్థాలతో విగ్రహాలు తయారు చేసి విక్రయించే వారిపై నిబంధనల ప్రకారం చర్యలు తీసుకోవాలని విజ్ఞప్తి చేస్తున్నారు.అలాగే పట్టణాలు, గ్రామాల్లో ప్రత్యేక తనిఖీ బృందాలను ఏర్పాటు చేసి విగ్రహాల తయారీ కేంద్రాలను పరిశీలించాలని, నిబంధనలు ఉల్లంఘించిన వారిపై జరిమానాలు, ఇతర చట్టపరమైన చర్యలు తీసుకోవాలని ప్రజలు కోరుతున్నారు.పర్యావరణ పరిరక్షణతో పాటు ప్రజల ఆరోగ్యం, వ్యవసాయ పంటలను దృష్టిలో పెట్టుకుని ప్రభుత్వం ఈ అంశంపై ప్రత్యేక దృష్టి సారించాలని, “మట్టి గణపతి – పర్యావరణ పరిరక్షణ” అనే సందేశాన్ని ప్రజల్లోకి విస్తృతంగా తీసుకెళ్లాలని ప్రజలు కోరుతున్నారు.