ఉత్తాడ రామరాజుకు అఖిల భారత చిరంజీవి యువత రూ.5 లక్షల బీమా

కశింకోట: మండలంలోని కశింకోట గ్రామానికి చెందిన ప్రముఖ మెగాస్టార్ చిరంజీవి అభిమాని ఉత్తాడ రామరాజుకు అఖిల భారత చిరంజీవి యువత తరఫున రూ.5 లక్షల విలువైన బీమా సౌకర్యాన్ని కల్పించారు. అభిమానుల సంక్షేమం, వారి కుటుంబాలకు అండగా నిలవాలనే ఉద్దేశంతో అఖిల భారత చిరంజీవి యువత చేపడుతున్న సేవా కార్యక్రమాల్లో భాగంగా ఈ బీమా సౌకర్యాన్ని అందించారు.అఖిల భారత చిరంజీవి యువత ఉపాధ్యక్షుడు గల్లా కొండలరావు ఆధ్వర్యంలో బీమా బాండ్‌ను ఉత్తాడ రామరాజుకు అందజేశారు. ఈ సందర్భంగా రామరాజు మాట్లాడుతూ.. మెగాస్టార్ చిరంజీవికి అభిమానిగా ఉండటం తనకు ఎంతో గర్వకారణమని తెలిపారు. అభిమానుల పట్ల చిరంజీవి చూపిస్తున్న ప్రేమ, అభిమానుల సంక్షేమం కోసం అఖిల భారత చిరంజీవి యువత చేస్తున్న సేవా కార్యక్రమాలు అభినందనీయమని అన్నారు.తనకు రూ.5 లక్షల బీమా సౌకర్యం కల్పించడం పట్ల రామరాజు సంతోషం వ్యక్తం చేస్తూ, అఖిల భారత చిరంజీవి యువతకు కృతజ్ఞతలు తెలిపారు. అభిమానులను కేవలం అభిమానులుగా కాకుండా కుటుంబ సభ్యులుగా భావిస్తూ వారి సంక్షేమానికి తోడ్పాటు అందించడం ఎంతో గొప్ప విషయమని పేర్కొన్నారు.ఈ సందర్భంగా గల్లా కొండలరావు మాట్లాడుతూ.. చిరంజీవి అభిమానుల సంక్షేమం కోసం అఖిల భారత చిరంజీవి యువత ఆధ్వర్యంలో వివిధ సేవా కార్యక్రమాలను కొనసాగిస్తున్నామని తెలిపారు. అభిమానులకు ఆపద సమయంలో అండగా నిలవడంతో పాటు, వారి భవిష్యత్ భద్రతకు ఉపయోగపడే విధంగా బీమా సౌకర్యాలను కల్పిస్తున్నట్లు చెప్పారు. ఇలాంటి సేవా కార్యక్రమాలను మరింత విస్తృతంగా కొనసాగిస్తామని పేర్కొన్నారు.ఈ కార్యక్రమంలో చిరంజీవి అభిమానులు, యువత ప్రతినిధులు తదితరులు పాల్గొన్నారు.