ముఖ్యమంత్రి దృష్టికి కీలక సమస్యలను తీసుకువెళ్లిన అనకాపల్లి ఎంపీ

అనకాపల్లి పార్లమెంట్ సభ్యుడు, రైల్వే స్టాండింగ్ కమిటీ చైర్మన్ డాక్టర్ సీ.ఎం. రమేష్ అనకాపల్లి జిల్లాలోని పెండింగ్‌లో ఉన్న పలు కీలక సమస్యలను రాష్ట్ర ముఖ్యమంత్రి నారా చంద్రబాబు నాయుడు దృష్టికి తీసుకెళ్లారు. అమరావతి రాష్ట్ర సచివాలయంలో జరిగిన భేటీలో డాక్టర్ రమేష్ జిలా అభివృద్ధి, పారిశ్రామిక పురోగతి వివరాలు మరియు స్థానిక ప్రజల ఎదుర్కొంటున్న సమస్యలపై సుదీర్ఘంగా చర్చించారు.
రైల్వే, నీటిపారుదల, తాగునీరు సరఫరా, రహదారుల మెరుగుదల మరియు మౌలిక వసతుల అభివృద్ధి వంటి సమస్యలను ముఖ్యంగా తీసుకుని ప్రతిపాదనలు వినిపించారు.ప్రస్తుతం కొనసాగుతున్న అభివృద్ధి పనులు మరియు పారిశ్రామిక రంగంలో ఉన్న పురోగతి విషయాలు కూడా ఆయన సమక్షంలో వివరించారు. స్థానికంగా ఎన్నో ఏళ్లుగా పరిష్కారం కోసం ఎదురుచూస్తున్న ప్రాజెక్టులు త్వరితగతిన పూర్తి చేయవలసిందిగా డాక్టర్ రమేష్ కోరారు.ఈ సందర్భంగా ముఖ్యమంత్రి చంద్రబాబు నాయుడు సంబంధిత అధికారులు‌తో సమన్వయం చేసి సమస్యల పరిష్కారానికి అవసరమైన చర్యలు తీసుకుంటామని సానుకూలంగా తెలిపారు. జిల్లా అభివృద్ధి కార్యక్రమాలకు ప్రతికూలంగా నిలిచిన అనేక అనుకుని సమస్యలకు త్వరలోనే పరిష్కార మార్గాలు కనిపిస్తాయని ఆయన స్పష్టం చేశారు.అనంతరం నిధుల కేటాయింపు మరియు వేగవంతమైన పనుల అమలుకు సంబంధించి సంబంధిత శాఖల మధ్య సమన్వయం కూడ ప్రారంభమవుతుందనుకుంటున్నారు. జిల్లా ప్రజలు మరియు స్థానిక నేతల నుంచి ఈ నిర్ణయంపై ఆశలు పెరిగాయి.